Ocean of Life

Saberesna jajan Teh Dingin ti warung Mang Ace, caritana si Opik teh miceun sampah gelas palastik sisieun imah Neng Sifa. Kacipta kaget manehna barang ningali ka lorong kontrakan belah kenca, aya awewe dina baju hideung, awakna jangkung tur buukna riwig. Langsung atuh eta mah kontan lumpat satarikna, embung nempo deui katukang. Rek balik ka imah sieun, tungtuna ningali lampu hurung keneh di warung Teh Ani, langsung bae gegedor. ‘Aya naon pik?’ ‘Teh Ani, abi ningali kunti,’ pokna bari engap-engapan. Ngagoloseh dina ubin koneng, nyarandekeun maneh kana tembok.  'Ah maenya wayah kieu aya kunti. Salah ningali meureun?' Opik teu ngomong sakecap-kecap acan. Kalah ka ngaringkuk nangkeup tuur bari dederegdegan. Cape ongkoh, sieun komo deui. 'Geus, geus, keun we. Yeuh inuman heula ngarah tenang, Pik.' A Asep, salaki Teh Ani, nyodorkeun Ale2 tina kulkas. Tuluy we dileguk. Minum na ge bari tuur ngadegdeg tea geuning. Teu lila, Diwan ngaliwat balik gawe sigana. Duka balik ulin. Nin...

  Mani asa nyareksek hate ieu teh. Asa waraas. Nineung. Teu puguh-puguh ujug-ujug hayang ngahariring tembang heubeul. Ririungan.. urang karumpul..   Sok inget ka jaman unyil-usro, jaman budak nongtot leho (*iih), jaman samenan (kenaekan kelas) atawa perpisahan sakola mun nembangkeun lagu ieu teh yeuh. Duh Gusti, asa nyerelek geuning waktu teh..   Sapu Nyere Pegat Simpay Ririungan urang karumpul Meungpeung deukeut hayu urang sosonoan Macangkrama bari ngawadul Urang silih tempas silih aledan Moal lila jeung babaturan Hiji wanci anu geus ditangtukeun Bakal pisah bakal pajauh Bakal mopohokeun katineung urang Sapu nyere pegat simpay, bakal kalakon Takdir ti gusti hyang widi, pasti kasorang Urang rek papisah, urang rek pajauh Meungpeung deukeut, hayu urang sosonoan

Wilujeng sumping ka urang Sunda, dimana wae ayana. Hidep urang Sunda??? Pami hidep ngaku-ngaku urang Sunda, tos kedah tangtos hidep reueus janten urang Sunda. Sanes kitu? Asa waraas kieu tiasa nyarios deui basa Sunda ieu teh. Tos lami pisan ti saprak harita diajar basa Sunda waktos masih di SMP, eta ge mung dugi ka kelas 2 pami teu lepat mah. Kelas 3 SMP sim kuring tos teu diajar basa Sunda deui, komo SMA? Enya ge calik di Bandung, kota nu asli Sunda na, eeh.. asa pahare-hare weh pihak sakola teh. Asa teu penting meureun minangka na mah diajar basa Sunda teh. Mending ngagugulung Pisika, Kimia, Biolohi, jeung basa Inggris weh nu tangtu pentingna, cenah. Keun we basa Sunda kagiles jaman mah. Keun weh tembang Sunda ditembangkeun ku bule mah. Keun we kolot urang nu apal basa sunda mah.  Keun we.. Keun we.. Keun we... Alaah.. tos lah. Beuki kagiles we urang Sunda! Leungit! Sok tinggalkeun we lah. Popohokeun tah basa sunda. Sugan engke mah ngagaleuh cabe di pasar Cicodot at...