Wilujeng sumping para wargi..




Wilujeng sumping ka urang Sunda, dimana wae ayana.

Hidep urang Sunda??? Pami hidep ngaku-ngaku urang Sunda, tos kedah tangtos hidep reueus janten urang Sunda. Sanes kitu?

Asa waraas kieu tiasa nyarios deui basa Sunda ieu teh. Tos lami pisan ti saprak harita diajar basa Sunda waktos masih di SMP, eta ge mung dugi ka kelas 2 pami teu lepat mah. Kelas 3 SMP sim kuring tos teu diajar basa Sunda deui, komo SMA?

Enya ge calik di Bandung, kota nu asli Sunda na, eeh.. asa pahare-hare weh pihak sakola teh. Asa teu penting meureun minangka na mah diajar basa Sunda teh. Mending ngagugulung Pisika, Kimia, Biolohi, jeung basa Inggris weh nu tangtu pentingna, cenah. Keun we basa Sunda kagiles jaman mah. Keun weh tembang Sunda ditembangkeun ku bule mah. Keun we kolot urang nu apal basa sunda mah. 
Keun we.. Keun we.. Keun we...

Alaah.. tos lah. Beuki kagiles we urang Sunda! Leungit!

Sok tinggalkeun we lah. Popohokeun tah basa sunda. Sugan engke mah ngagaleuh cabe di pasar Cicodot atawa Cibeureum teh janten ngangge basa Inggris.
"Ceu Entin, how mach uyah sagandu teh?" Baca dina dialek Sunda. Pasti 'pikageuleuheun' kacida.
Hayu lah urang Sunda, urang bebenah. Urang jaga, urang riksa, urang mumule eta basa emak. Buktikeun yen urang reueus jadi urang Sunda. Buktikeun yen urang Sunda oge bisa. Bisa usaha, bisa jadi hebat, bisa mingpin kalayan ngatur nagara, bisa jadi conto keur umat sakalian jaman.

_Si Kabayan urang Sunda, tapi urang Sunda lain si Kabayan !_   
 
Post a Comment

Popular posts from this blog

Perempuan Indonesia di Mata Laki-laki Turki

Hati-hati dengan (kriteria) Pria Turki !

Cari Jodoh Orang Turki?

Pernikahan ala Turki

Satu Kata Tentang Orang Turki: 'tukang maksa!'